Jetzt luegets wieder überall vo de Kandelaber obenabe

Scho bald sind Wahle, National und Ständeröt muend neu bsetzt werde, dur bisherigi oder au neui. S isch e sehr spezielli Ziit grad jetzt und mer merkt au wie die meiste ihri stärchene plötzlich of Theme legged wos eigentlich gar nüd verstöhnd, S Klima isch eis vo den, nume zum Stimme gwünne. Es wird wieder versproche, gschummlet jo gar gloge nur das z Bern es guets und sorgloses Jöppli chönd bsetze. D Parteie mached enand au alli abe und jede schiint die besti z zii.

Kandidate gits au ganz viel, au ganz obskuri Persone wo eigentlich jo gar kei Chance händ gwählt z werde. Aber ebe, es stoht jedem offe sich do uufzstelle. ich luege mir die, won ich denke sehr gnau a, ich denke es bruucht en Leistigsuuswiis defür, nid eifach en liebei netti Person wo vom Kandelaber abelueget und en tolle Slogan händ.

Mer wirds gseh wies chunnt, ich wähle immer Mensche, ganz bestimmt kei Parteie, die sind mir alli zäme nid würklich ghüür…